Fine particles sa air pollution nagpapahina sa sperm quality

ANG exposure sa fine particles sa air pollution ay maaaring isa sa mga nakaaapekto sa sperm quality at fertility ng kalalakihan, ayon sa mga mananaliksik sa Taiwan.

Bagamat posibleng maliit lamang ang clinical effect, mahalaga ang findings sa public health perspective dahil sa worldwide exposure sa polusyon, ulat ng mga may-akda sa BMJ Occupational and Environmental Medicine.

“Particulate matter contains many toxic chemicals such as heavy metals and polycyclic aromatic hydrocarbons, which have demonstrated harmful to semen quality in laboratory and animal studies,” saad ng lead author na si Xiang Qian Lao sa email sa Reuters Health.

“Sperm shape and size is an important parameter for fertility. Lower percentage/ number of normal sperm may cause infertility,” sabi ni Lao, researcher sa Jockey Club School of Public Health and Primary Care sa The Chinese University of Hong Kong.

Bagamat matagal nang itinuturing ang exposure sa environmental chemicals bilang potensiyal na contributor sa infertility, wala pang gaanong kaalaman tungkol sa epekto ng air pollution rito, ayon sa study team.

Sinuri nila ang short-term at ang long-term exposure sa very fine particles sa air pollution na kilala sa tawag na PM 2.5, na 2.5 microns o mas maliit pa -- halos tatlumpung ulit na mas maliit kaysa diameter ng buhok ng tao. Ang fine particles na ito ay maaaring makapasok sa baga at sa daluyan ng dugo.

Maaaring matagpuan ang ganitong uri ng particle pollution sa indoor man o sa outdoor at mas madalas na nagmumula sa usok ng tambutso, nasusunog na kahoy, pananim, uling o mainit na mantika, at sa ibinubugang usok ng power plants at iba pang industriya.

Pinag-aralan ng grupo ni Lao ang health exam records at health questionnaires na sinagutan ng halos 6,500 kalalakihang Taiwanese na nasa edad 15 hanggang 49 na nakilahok sa medical examination program mula 2001 hanggang 2014.

Ayon kay Lao, “Given the ubiquity of exposure to air pollution, a small effect size of PM 2.5 on sperm normal morphology may result in a significant number of couples with infertility. Thus, global strategies are necessary to minimize the impact of air pollution on reproductive health.”