PH kinondena ang suicide bombing sa Afghanistan
Kinondena ng gobyerno ng Pilipinas kahapon ang panibagong pag-atake ng suicide bombers sa Kabul, ang kabisera ng Afghanistan, na ikinamatay ng 41 katao at ikinasugat ng mahigit 80 iba pa.
Inako ng grupong Islamic State ang pagatake, sinabing ito ay dahil tumatanggap ang center ng suporta mula sa Iran.
Sinabi ni Waheed Majrooh, tagapagsalita ng Ministry of Public Health, na 41 katao, kabilang ang apat na babae at dalawang bata, ang namatay at 84 ang nasugatan.
Naganap ang pag-atake habang ginagawa ang morning panel discussion sa anibersaryo ng pananakop ng Soviet sa Sunnimajority Afghanistan sa Tabian Social and Cultural Centre, ayon sa mga saksi.
Sa isang pahayag, sinabi ng Department of Foreign Affairs na walang Pilipino na kabilang sa mga namatay at nasaktan sa Shi’a cultural center and news agency na matatagpuan sa parehong gusali sa Kabul.
Nagpaabot din ang Pilipinas ng pakikiramay at pakikiisa sa gobyerno ng Afghanistan sa pagdadalamhati nito sa maraming buhay na nawala sa nasabing terror attack.
“We condemn this senseless act of violence that deliberately targeted innocent civilians, many of them young students and even some women and children,” saad sa pahayag ni DFA Secretary Alan Cayetano.
Sinabi ni Charge d’Affaires Anwar Ito ng Philippine Embassy sa Islamabad, Pakistan na may hurisdiksiyon sa Afghanistan, na wala sa tinatayang 1,500 Pinoy na nagtatrabaho sa Kabul at iba pang bahagi ng bansa ang kabilang sa mga nasawi sa pag-atake na ayon sa United Nations ay sinadyang targetin ang mga sibilyan.
“I have little doubt that this attack deliberately targeted civilians,” sabi ni Toby Lan- zer, acting head ng United Nations Assistance Mission sa Afghanistan.
Ayon sa mga ulat, ang unang pagsabog ay isinagawa ng suicide bomber na nakaupo kasama ang mga estudyante sa isang lecture sa Shi’a center.
Pinayuhan ng embahada ang mga Pilipino na manatiling alerto at mag-ingat para matiyak ang kanilang kaligtasan at seguridad.