Sputnik member dinakma sa pag-aamok
Idiniretso sa selda ang umano’y miyembro ng Sigue Sigue Sputnik gang matapos mag-amok sa Pasay City, nitong Huwebes ng hapon.
Kasalukuyang naghihimas ng rehas sa Pasay City Police at iniimbestigahan ang suspek na si Nicolas John Cifra y Tommy, 21, binata, ng No. 27 R. Layug Street, Bgy. 2 Zone 1 ng lungsod.
Base sa ulat, naganap ang insidente sa panulukan ng Roxas Boulevard at Layug Sts., Bgy. 2, bandang 12:20 ng hapon.
Unang nakatanggap ng tawag ang Police Community Precinct (PCP) 1 CCP Complex mula sa isang concerned citizen at ini-report ang isang lasing at armadong lalaki na naghahamon ng away.
Agadrumespondeangmgapulis at nadatnan si Cifra na nanggugulo sa lugar na naging sanhi ng kanyang pagkakaaresto.
Nakumpiska sa suspek ang isang folding knife na pitong pulgadang haba at isang bala ng caliber 7.62.
Mahaharap si Cifra sa kasong paglabag sa alarm and scandal, BP 6 at RA 10591 sa Pasay Prosecutor’s Office.