Granada sa Manaoag resort
MANAOAG, Pangasinan – Naalarma ang mga nagsisimba sa pagkakadiskubre ng isang granada sa Manaoag Holy Water Resort and Restaurant sa Barangay Licsi sa Manaoag, Pangasinan.
Ayon sa pulisya, dakong 6:15 ng umaga nitong Miyerkules nang matagpuan ni Carlo Cabradilla, 28, ng Bgy. San Vicente, San Fernando, La Union, ang granada sa lugar at kaagad namang rumesponde ang mga awtoridad.
Iniimbestigahan pa ng mga awtoridad ang tungkol sa natagpuang granada.