KC at Nikki humirit pa ng engagement ngayong 2017
WALANG dudang naging merry ang Christmas at naging happy ang New Year ng singer-actress na si Nikki Valdez at ng host-actor na si KC Montero, matapos silang sabay na ma-engage nitong Pasko.
Nag-post ang 38-anyos na si Nikki ng litrato sa Instagram ilang oras makaraan niyang tanggapin ang proposal ng soon-to-be-husband niyang si Luis
Garcia. Kasama nila ang ilang kaanak at kaibigan na pawang kasabwat sa surprise proposal, habang hawak ang mga letrang bumubuo ng “Will you marry me?” at “Yes daw!”
Bisperas ng Pasko nang mag- propose kay Nikki si Luis, isang media executive, triathlete, photographer, at traveler, habang namamasyal sila sa makasaysayang Calle Crisologo sa Vigan, Ilocos Sur.
Nauna rito, nag- celebrate ng kanilang third anniversary sina Luis at Nikki sa Boracay noong unang bahagi ng Disyembre.
Ito ang ikalawang pagpapakasal ni Nikki. Taong 2007 nang ikinasal siya sa Filipino-Canadian na si
Christopher Lina sa St. John Bosco Parish sa Makati City, at simula noon ay nanirahan na sa Toronto, Canada pagkatapos ng kasal.
Gayunman, tumagal lamang ng dalawang taon ang kanilang pagsasama hanggang tuluyan silang nagkahiwalay noong 2009. May anak sina Nikki at Christopher, si Olivia. Samantala, nasa Truckee, California si KC at ang nobya niyang beauty queen-model na si Stephanie
Dods nang mag-propose siya rito. Christmas Day nang mag-propose si KC, 39, sa dalaga, at nag-post siya ng litrato nila sa Instagram, kung saan kitang- kita ang napakagandang engagement ring na suot ni Stephanie.
Serye ang nasabing posts ni KC, na ang una ay makikita silang nakatayo sa tuktok ng burol. Sa ikalawa ay makikita siyang nakaluhod sa harap ng girlfriend, at ang huli ay ang selfie nila habang suot na ni Stephanie ang singsing.
Katatapos lang ipagdiwang ni KC ang kaarawan ng kanyang soon-to-be-wife.
Nag-post siya ng litrato nila sa beach, at may caption na: “There are many things that I’m thankful for and you are the biggest one. Thank you for blessing me with your love. I love you endlessly my Princess. Happy birthday.”
Ito rin ang ikalawang pagpapakasal ni KC, matapos silang maghiwalay ni Geneva Cruz noong 2012 makaraan ang anim na taong pagsasama.
Matatandaang matagal na nakarelasyon ng nakatatandang kapatid ni KC na si Troy Montero si Nikki. Happily married na ngayon si Troy sa dating sexy actress na si Aubrey Miles.