Rose McGowan, maglulunsad ng TV documentary

MAGBABALIK sa telebisyon si

Rose McGowan sa papamagitan ng bagong documentary series na tutuon sa kanyang activism kasabay ng patuloy niyang pagsasalita hinggil sa pangmomolestiya sa Hollywood. Tututukan ng Citizen Rose ang

Charmed star at ang paghahanda niya sa ilalabas na memoir na Brave at mas pag-igting ng kanyang mga pagkilos para sugpuin ang mga maling asal sa entertainment industry, pagkatapos ng akusasyon niya sa disgraced movie mogul na si Harvey Weinstein ng pangmomolestiya sa kanya noong 1997.

Magsisimulang ipalabas ang limang part ng Citizen Rose series sa E! sa pamamagitan ng two-hour episode sa Enero 30.

“You are formally invited into my mind and world. I am thrilled to partner with E! to amplify my message of bravery, art, joy and survival,” lahad ni McGowan sa pahayag. “As I ready my book, BRAVE, I realized I wanted to show how we can heal through art even when being hounded by evil. I want to have a conversation with everyone, and most especially, you, about looking at things differently and seeing beauty everywhere. E!’s tremendous reach and impressive platform allow me to globally communicate the importance of living a BRAVE life.”

Isa si McGowan sa pangunahing subject ng expose ng New York Times, sa ibinigay na detalye sa umano’y pangmomolestiya sa kanya ni Weinstein. Kamakailan ay ibinunyag din niya na inalok siya ng $1 million (£736,000) na “hush money” ng isang lalaki na malapit sa movie producer, 24 oras bago inilabas ang artikulo noong Oktubre 2017.

Lahat ng mahigit 50 kababaihan na nag- aakusa kay Weinstein ng pangmomolestiya ay itinanggi ng producer.