MOU para ‘di magamit sa droga ang TNVS lalagdaan
Lalagdaan ng Philippine Drug Enforcement Agency (PDEA), Land Transportation Franchising and Regulatory Board (LTFRB) at ng Transport Network Vehicle Services (TNVS) ang memorandum of understanding (MOU) bukas (Enero 10) para mapigilan ang paggamit sa public transport sa pagbiyahe ng mga droga.
Para makaiwas sa pagkakaaresto, nakahanap ng bagong paraan ang mga sindikato ng droga para maipamahagi at maihatid ang kanilang mga kontrabando sa pamamagitan ng mga driver ng ride sharing transport systems.
Walang kamalay-malay ang inuupahang TNVS drivers na ang inihahatid nilang bagahe ay mga droga.
Dahil sa mga insidenteng ito, hinimok ni PDEA Director General ang TNVS drivers at operators na tiyaking mabuti na hindi sila magagamit para maghatid ng anumang kontrabado.
Sinabi ni Aquino na may karapatan ang operators ng TNVS gaya ng Grab at Uber na buksan muna ang mga package na ipinadala sa kanilang drivers bago tanggapin ang mga ito para makatiyak na hindi magamit ang kanilang mga driver bilang drug couriers.
“To Grab and Uber operators and drivers, please exercise due diligence to prevent your line of work from being tainted with involvement with illegal drug activities,” ani Aquino.
Hinikayat ni Aquino ang Grab at Uber operators at drivers magsumbong sa mga awtoridad. “Report suspected packages directly to us,” aniya.