Pamumulitika ni Cam ang atake sa PCSO
IBINULGAR ni Philippine Charity Sweepstakes Office (PCSO) General Manager Alexander Balutan na nag- request ng 1,700 sakong bigas si whistleblower at PCSO Board member Sandra Cam, ngunit tinanggihan ng ahensiya.
“I rejected it because the PCSO Charter does not allow this unless these areas she wants to give support or aid are under a state of calamity. The request which she endorses to me was not even presented for discussion in a board meeting,” pahayag ni Balutan, patungkol sa request ni Cam na umano’y ‘Christmas gift’ sa mga residente sa Manila.
Ayon kay Balutan, ang naging pagtugon ng Board sa kahilingan ni Cam na may petsang Disyembre 15 ang aniya’y naging dahilan nang pagatake nito sa kredibilidad ng institusyon na binansagan niyang korap dahil sa labis umanong paggasta sa Christmas party ng may 1,500 empleyado ng ahensiya.
Iginiit ni Balutan na sa ilalim ng Republic Act 1169 (as amended), na nagtayo sa PCSO, responsibilidad ng ahensiya na mangalap ng pondo para sa health programs, medical assistance at services, at charities sa kawanggawa.
Ayon kay Balutan, personal ang kagustuhan ni Cam na mamigay ng bigas sa mga area sa Manila dahil na rin sa layunin nitong political.
Matatandaang tumakbo ngunit natalong Senador si Cam.
“As Chief Executive Officer and General Manager, I will not allow anyone to use PCSO for her or his political ambitions,”ayon sa dating Marine major general warned.
Sa kanyang sulat, nais ni Cam na mamahagi ng sakong bigas sa mga pamilyang naninirahan sa uezon, Marikina, Pasig, Manila, Caloocan, Navotas, Muntinlupa, Paranaque, Taguig, Valenzuela, Las Pinas, Malabon, Pasay, Makati, Mandaluyong, at San Juan City.