Amber Rose, hindi binatikos ni Wiz Khalifa
NANGAKO si Wiz Khalifa na hinding-hindi na siya magsasalita ng masama laban sa kanyang ex-wife na si Amber Rose, sa radio freestyle challenge kamakailan, dahil may pagpapahalaga pa rin sila sa isa’t isa.
Naghiwalay ang Black and Yellow hitmaker at ang model noong 2014, isang taon makaraang magpakasal, ngunit nanatili silang magkaibigan upang maging magulang ng kanilang apat na taong gulang na anak na si Sebastian, na may respeto sa isa’t isa.
Pinatunayan ni Wiz na wala siyang ibang damdamin kay Amber kundi pagmamahal, sa kanyang paglabas sa Los Angeles Big Boy radio personality show nitong nakaraang linggo at hinamon na magsampol ng ilang rhymes tungkol sa bald beauty bilang bahagi ng Flashcard Freestyle segment.
Tinanggap ng hip-hop star ang hamon, ngunit nilinaw sa kanyang mga liriko na hindi niya tutukuyin o tatalakayin ang gossip blogs sa pambabatikos kay Amber.
Kasabay ng instrumental ng awitin ni Bruno Mars na That’s What I Like, aniya, “I don’t want no drama/ Why you gotta bring up my baby mama?/Well damn, I suppose/I’ma freestyle about Amber Rose/She’s bald head, she’s got my kid/We was married, yes, we did/I still love her, she love me too/You think I’ma talk bad about her, you’re through/I never will, that’s the mother of my kid/I’m right here, I’m doing it with Big/And I ain’t worried about these hoes/ Because my baby mother is Amber Rose.”
Nakamove- on na ang dalawang bituin sa hiwalayan -- si Wiz ay usapusapang karelasyon ngayon ng model na si Izabela
Guedes, samantalang si Amber, 34, ay karelasyon naman ang isa pang rapper na si 21 Savage.