New York Times event ni James Franco kinansela dahil sa alegasyon ng pangmomolestiya
KINANSELA
ang New York Times event na pangungunahan sana ni James Franco, na nagwagi bilang best actor sa Golden Globe Sunday, dalawang araw makaraang akusahan siya sa social media ng sexual misconduct.
Nakatakda sanang ganapin ang TimesTalk event nitong Miyerkules sa New York, na tatampukan ni Franco kasama ang nakababatang kapatid na si Dave, na parehong nagbida sa The
Disaster Artist, ang pelikula na nagpanalo kay James ng Globe award.
“The event was intended to be a discussion of the making of the film, ‘The Disaster Artist.’ Given the controversy surrounding recent allegations, we’re no longer comfortable proceeding in that vein,” lahad ng New York Times sa pahayag na ipinadala sa Variety.
Kasama si Franco nitong Linggo sa ilang aktor na nagsuot ng pins na sumisimbolo ng kanilang pagsuporta sa Up movement, isang multi-pronged campaign upang maisapubliko at maipahayag ang sexual harassment at gender discrimination. Gayunpaman, ang event sa Golden Globes ay tila naging dahilan upang akusahan si Franco ng ilang babae sa Twitter ng maling pag-uugali. Nag-post sa Twitter ang aktres na Violet
Paley nitong Linggo ng: “Remember the time you pushed my head down in a car towards your exposed penis & that other time you told my friend to come to your hotel when she was 17? After you had already been caught doing that to a different 17 year old?”
Nitong Martes, inihayag niyang tumawag si Franco upang humingi ng “overdue, annoyed, convenient phone ‘apology.’”
Dagdag pa niya: “I don’t accept, but maybe some other people’s lives would be made easier if he donated all of his earnings from ‘The Disaster Artist’ to @RAINN01,” isang nonprofit group na sumusuporta sa survivors ng sexual abuse. Isa pang babae, si
Sarah Tither-Kaplan, ang nag-akusa kay Franco ng “exploiting” sa pelikulang ginawa niya kasama ito.
“Remember a few weeks ago when you told me the full nudity you had me do in two of your movies for $100/day wasn’t exploitative because I signed a contract to do it? Times up on that!” tweet niya. “I 100% did not feel like I had a choice to say no.”
Si Tither-Kaplan ay dating estudyante ni Franco.
Hindi kaagad nagbigay ng komento ang tagapagsalita ng TimesTalks nang hingan ng paglilinaw. Hindi pa rin sumasagot sa tawag ang si Paley at mga tagapagsalita ni Franco.