PangakongChinasaWPS, pinanghahawakanng‘Pinas—Roque

Patuloy na nagtitiwala ang Pilipinas sa China sa pangako nitong hindi aangkinin ang kahit anong isla o magtayo ng imprastruktura sa pinagaagawang bahagi ng South China Sea, sinabi ng Malacañang.

Ito ang ipinahayag ni Presidential Spokesperson Harry Roque matapos sabihin ni Defense Secretary Delfin Lorenzana na maghahain ang Pilipinas ng diplomatic complaint laban sa China sa hindi nito pagtupad sa pangako na hindi sakupin ang artificial islands sa pinag-aagawang isla.

Sa press brieding sa Cebu City nitong Sabado, sinabi ni Roque na patuloy na panghahawakan ng Pilipinas ang pangako ng China pagdating sa South China Sea na pitong bansa ang umaangkin sa ilang bahagi nito bilang kanilang teritoryo.

“The general thrust is to rely on the principle of good faith. The scope of this principle of good faith is in China’s commitment not to reclaim new areas or not to build new artificial islands,” pahayag ni Roque.

“And so far, we believe there has not been any reason why we should doubt China’s good faith on the building, on its commitment to desist from making new reclamations or from building new islands,” dagdag niya.

Noong nakaraang buwan, iniulat ng Reuters na kinumpirma ng Beijing na ang Chinese capital ay “reasonably” expanded ang isla nito sa South China Sea, sinabing ang construction projects nito nitong 2017 ay may lawak na 72 hektarya.

Noong Pasko ng nakaraang taon, sinabi ni Roque sa text message na magtitiwala ang gobyerno sa China dahil ang lokasyon ng construction projects ay hindi pa tinutukoy.

“We don’t know where these works are. We continue to rely on China’s good faith. Location is material since we do not have claims on all the islands and waters in the disputed area,” sambit niya. CHINA SA BENHAM RISE Samantala, nagkomento si Roque sa mga ulat tungkol sa maritime scientific research ng China sa Benham Rise na inaprubahan ng Department of Foreign Affairs (DFA).

Sinabi ng opisyal na may karapatan ang Pilipinas sa Benham Rise, ngunit maaari ring magsagawa rito ng pananaliksik ang ibansg bansa.

“We have sovereign rights over Benham Rise since it was awarded to us as an extended continental shelf, we have the right to exclusively explore, exploit, and even conduct scientific research,” sabi niya.

“But the exclusive right means that we can also consent if foreigners would want to do it. For as long as we consent, it would be legal,” dagdag ni Roque.