‘Pinas ika-10 sa ‘cyber attacked’ countries

Pilipinas ang pinakaapektadong bansa sa cyberspace sa Southeast Asia at iba pang nangungunang bansa sa mundo, ayon sa world reknown international digital technology expert.

Gayunman, hindi pa ganoon kahanda ang mga Pinoy sa cyber security threats gaya ng ibang bansa nang maging ika-37 mula sa 193 bansa sa global security index report sa cyber security preparedness.

Ayon kay digital technology expert Reynaldo Lugtu, miyembro ng Advisory Board of Global Chamber Manila, ang Pilipinas ay ika-10 sa pinaka-“cyber attacked” countries sa at labis na inaatake sa mga bansa sa Southeast Asia.

Sa datos mula sa Federal Bureau of Investigation, lumalabas na ang Pilipinas ay ika-10 sa pinaka-inaatakeng bansa sa buong mundo sa Internet.

Nangunguna sa listahan ang Canada, sinundan ng India, United Kingdom, Australia, Brazil, Mexico, China, Japan at ang Pilipinas.

Pasok din sa listahan, bilang ika11 hanggang ika-20, ang Germany, South Africa, Turkey, Spain, Hong Kong, United Arab Emirates, Malaysia, Singapore, Nigeria at New Zealand, ayon sa pagkakasunod.

Ngunit ipinagdiinan ni Lugtu na ang pag-uugali ng mga Pinoy ang na- giging sanhi ng online attacks dahil marami ang hindi nakakaalam ng banta sa cyberspace.

“In the legal aspect we are ahead of other countries because we have already passed the Data Privacy Act, the E-Commerce Law and the AntiWiretapping Law.”

Gayunman, sinabi ni Lugtu na alam ng mga attacker na karamihan ng mga Pinoy ay hindi alerto at handa sa mga problemang ito, binanggit ang kakulangan ng impormasyon sa kapahamakan sa online sa emails at madaling buksan ang click links nang hindi nalalaman ang panganib.