Bakit isang taon ang martial law extension?

Bakit kinakailangan na isang taon ang muling pagpapalawig sa martial law sa Mindanao? Ito ang tanong ni Associate Justice Samuel Martires kay Armed Forces Chief of Staff General Rey Leonardo Guerrero sa ikalawang araw ng oral arguments sa Korte Suprema.

Sagot ni Guerrero, batay sa kanilang pagaaral, sa loob ng nasabing panahon nila target na masupil ang problema ng rebelyon sa Mindanao na pinangungunahan ng mga grupong nakikisimpatiya sa grupong Islamic State (ISIS) at New People’s Army. Aminado siyang ambisyosong target na ito pero gagawin nila ang kanilang makakaya.

Itinakda ng Korte Suprema ang pagsusumite ng memorandum ng magkabilang panig sa Enero 24, 2018.