2 drug suspects niratrat

Dalawang drug personalities sa Laoag ang pinagbabaril at napatay sa Bacarra Road sa Barangay 11, Laoag City, Ilocos Norte.

Kinilala ang dalawang drug suspect na sina Nathaniel Ruben Taylan II, 32, ng Bgy. 13, Laoag City, at tubong Bgy. Guerrero, Dingras, isang drug surrenderer; at Joefrey Blanes, 45, ng Bgy. 12, Laoag City.

Dakong 4:00 ng hapon ng Miyerkules at nag-uusap ang mga suspek sa tapat ng bahay ni Taylan nang biglang sumulpot ang armado at pinagraratrat ang dalawa.

Narekober sa pinangyarihan ng krimen ang apat na deformed bullets at siyam na basyong bala ng .9mm caliber pistol.