Pitong wanted kalaboso

LINGAYEN, Pangasinan – Dinakip ang isang retiradong empleyado ng gobyerno at pitong iba kaugnay ng iba’t ibang kasong kriminal, sa magkakahiwalay na lugar sa Pangasinan.

Batay sa report ng Pangasinan Police Provincial Office, kinilala ang mga dinakip na si Jonathan Bugaoan, 71, retired government employee at taga-Basista, na nahaharap sa graft.

Sunod namang nadakip si Carlos Garcia, 60, construction worker, ng Barangay Bued, Calasiao, para sa kasong sexual assault.

Sa Bani naman inaresto si Marlon C. Quitazol Sr., 54, na wanted sa child abuse; estafa ang kaso ni Raquel Bartolome, 32, ng Bgy. San Marcelino, Balungao; habang inaresto sa qualified theft si Manny Madriaga, 39, sa Urdaneta City.

Huling naaresto sina Christopher Camalao, 34, akusado sa serious physical injuries; at Ernesto Calonge, 30, ng Bgy. Poblacion West, Rosario, La Union, na may kasong child abuse.