US Cuppers, abante sa Serbian

LOS ANGELES (AP) – Ginapi ng Sam Querrey si Laslo Djere, habang nakalusot si John Isner sa fifth-set tiebreaker kontra Dusan LaJovic para sa 2-0 bentahe ng United States kontra Serbia sa first round ng Davis Cup World Group nitong Biyernes (Sabado sa Manila).

Naitala ni Querrey ang 20 aces sa 6-7 (4), 6-2, 7-5, 6-4 panalo sa opening singles, bago sinundan ni Isner na may 24 aces para sa 6-4, 6-7 (6), 6-3, 3-6, 7-6 (4) panalo.

Sumabak ang host Serbia na wala si six-time Grand Slam champion Novak Djokovic at Viktor Troicki. Naipanalo ng Serbia ang huling dalawang tie laban sa US, kabilang ang 2010 kung saan tinanghal na kampeon ang Serbian.

Makukumpleto ng US ang dominasyon sa panalo nina Ryan Harrison at Steve Johnson kina Nikola Milojevic at Miljan Zekic sa doubles event sa Sabado.

Malamya naman ang simula ng defending champion France laban sa Neatherlands matapos masilat si Adrian Mannarino ni Thiemo de Bakker, 7-6 (4), 6-3, 6-3. Naitabla ni Richard Gasquet ang iskor sa panalo kontra Robin Haase, 6-4, 7-6 (3), 3-6, 7-5.

Umabante naman ang last year’s runner-up Belgium sa 2-0 bentahe kontra Hungary matapos magapi nina Ruben Bemelmans si Marton Fucsovics, 6-4, 4-6, 7-6 (5), 6-3, at David Goffin kontra Attila Balazs, 6-4, 6-4, 6-0.

Nakaabante rin ang Spain, sa kabila ng pagkawala ng na-injured na si Rafael Nadal,nang magwagi si Albert RamosVinolas kontra Liam Broady, 6-3, 6-4, 7-6 (6) ng England, ngunit naitabla ito ng 114th-ranked Norrie Cameron kontra Roberto Bautista-Agut, 4-6, 3-6, 6-3, 6-2, 6-2.