Israeli fans, kinasuhan ang aktibistang nanggipit kay Lorde
NAGHAINng reklamo ang tatlong Israeli fans ni Lorde nitong Miyerkules laban sa dalawang aktibista na humimok sa New Zealand singer na iboykot ang Jewish state at kanselahin ang nakaplanong pagtatanghal doon.
Nagde- demand ang plaintiffs, mga kabataang babae na bumili ng tickets para sa June concert ni Lorde, ng 45,000 shekels ($13,176) mula sa dalawang aktibista sa New Zealand na nag-pressure kay Lorde.
Inihayag ni Lorde noong Disyembre ang kanyang hangarin na magtanghal sa Israel, ngunit dahil sa mga batikos ng international at New Zealand activists, inihayag niya na kinakansela na niya ang show, sinabing nagkamali siya ng desisyon na magtanghal sa Tel Aviv.
Ang kaso ay isinampa ng Shurat Hadin, isang NGO “using court systems around the world to go on the legal offensive against Israel’s enemies,” batay sa legislation mula 2011 laban sa mga panawagan na iboykot ang Israel.
“We hope that the court will implement the law and rule damages to the plaintiffs, so boycott activists will know there’s a price to any article or incitement against Israeli citizens,” ani Shurat Hadin director Nitsana Darshan-Leitner sa pahayag. Ang kilusan sa likod ng panggigipit kay Lorde ay kilala bilang BDS -- Boycott, Divestment and Sanctions – at sinasabing ito ay inspired ng kampanya na tumatarget sa apartheid regime ng South Africa at naglalayong wakasan ang pananakop ng Israel sa West Bank.
Noong Hulyo, nabigo ang BDS activists na hikayatin ang
Radiohead na huwag ituloy ang show ng banda sa Tel Aviv sa kabila ng matinding pressure mula sa artists gaya nina Roger Waters ng Pink
Floyd at director na si Ken Loach. Itinuturing ng Israel ang BDS na isang strategic threat at inaakusahan ito ng anti-Semitism, na mariin namang itinanggi ng mga aktibista na anila’y pagtatangka na i-discredit sila. Ilang politically active musicians ang nagkansela ng kanilang pagtatanghal sa Israel nitong mga nakaraang taon, kabilang sina Lauryn Hill at Elvis Costello.