Housing projects sa Marawi, exempted sa NEDA
Binibilisan na ng gobyerno ang pagpapatupad sa relief and rehabilitation projects sa Marawi City.
Nilagdaan ni Pangulong Rodrigo Duterte ang Executive Order No. 49 na nage-exempt sa National Housing Authority (NHA) mula sa mga patakaran ng National Economic and Development Authority (NEDA) sa joint venture agreements para mapabilis ang mga pagsisikap sa pagbangon ng Marawi.
“In order to simplify documentary requirements and procedures and thereby expedite the commencement of rehabilitation projects, there is an urgent need to exempt the NHA from the coverage of the NEDA Guidelines on JVAs,” nakasaad sa kautusan.
Sa halip ang lahat ng joint venture agreements na may kaugnayan sa Marawi rehabilitation ay kailangang tumupad sa guidelines na babalangkasin ng NHA sa ilalim ng supervision ng HUDC, ng Public-Private Partnership Center, at ng Department of Budget and Management.
Nauna rito ay itinalaga ang Task Force Bangon Marawi sa pamumuno ng Housing and Urban Development Council (HUDCC) para magdebelop at magpatupad ng unified at comprehensive rehabilitation at recovery plan para sa Marawi City.
Maaaring magkaloob ang NHA ng tulong at technical know-how sa Task Force sa rehabilitation efforts, saad sa EO.
Ang kautusan, nilagdaan noong Pebrero 5, ay kaagad na magkakabisa matapos mailathala sa isang pambansang pahayagan.