Artificial islands aarborin sa China
Binatikos ng kilalang maritime expert sa bansa ang deklarasyon kamakailan ni Presidential Spokesperson Harry Roque na balang araw ay pasasalamatan ng Pilipinas ang Chinese government sa pagtatayo ng mga artipisyal na isla sa pinagtatalunang bahagi ng West Philippine Sea
Sinabi ni Roque na darating ang panahon na mauubos ang lakas ng China at pasasalamatan ng mga Pilipino ang katabing bansa sa pagtatayo ng mga islang ito.
“Clearly, eventually, those artificial islands will be ours if we can ask China to leave,” aniya.
Inilarawan ni Dr. Jay Batongbacal ng University of the Philippines’ Institute for Maritime Affairs and Law of the Sea (IMLOS) ang mga pahayag ni Secretary Roque na “outlandish” at patunay na ang administrasyong Duterte at ang matataas na opisyal nito ay walang pakialam sa posibleng panganib na maaaring idulot ng mga artipisyal na isla at itinayong pasilidad dito sa maritime rights at resources ng bansa.
“One day the government claims that there is nothing that it can do about China’s activities and facilities; the next day it claims to remain with ASEAN in expressing concern over militarization and reclamation; the following day it says that we will one day thank China for these islands if we can get China to leave,” sabi ni Dr. Batongbacal.
Tinumbok ng UP professor na ang pabagu-bagong posisyon na ito ay malinaw na nagpapakita ng “utter and total lack of concern and understanding” ng administrasyon “about the nation’s greatest national security challenge.”
“It does not have any plan or strategy; it is just bluffing and making things up as it goes along,” diin ni Batongbacal. “At worst, it is a preview of how it will in the future deceptively spin its incremental surrender of the country’s maritime rights and jurisdictions.”
Ayon kay Batongbacal, kung sa tingin ng Pilipinas na wala itong magagawa sa kasalukuyang sitwasyon sa West Philippine Sea, paano nito mapapalayas ang China at paano maging kaisa ang bansa sa Association of Southeast Asian Nations sa pagpapahayag ng pangamba.
“Filipinos don’t want war, it’s true,” aniya. “But I don’t think Filipinos want to look like idiots and cowards, either.”