CdO at Digos, umabante sa PSC-Pacquiao Cup

KIDAPAWAN CITY – Nangibabaw ang mga batang boxers mula sa Cagayan de Oro (CDO) at Digos City sa unang araw ng aksiyon sa Mindanao Quarter Finals ng PSC-Pacquiao Amateur Boxing Cup nitong weekend sa Kidapawan City Gym.

Limang fighters ng CDO ang umusad matapos ang dominanteng kampaya sa dalawang araw na torneo na inorganisa ng Philippine Sports Commission ( PSC), sa pakikipagtulungan ng Office of Senator Manny Pacquiao.

Pinangunahan ni PSC Commissioner Charles Raymond Maxey ang mga opisyal at guest speaker kabilang si Mayor Joseph Evangelista na nagbigay ng kanilang mensahe sa mga batang atleta.

Nagwagi ang 15-anyos na si Peter John Payla, pamangkin ni 2006 Asian Games flyweight champion Violito, via unanimous decision kontra Davao City’s Emmanuel Canubas sa Jr. Boys pinweight division.

Nasundan ito nang parehong panalo nina Mark Lester Durens kontra Ben John Rey Yagahon ng Barangay Aglayan sa Jr. Boys light flyweight category, John Erl Palivino, Kim Bryan Cabrillos at Dave Bryan Caspe.

Nagwagi si Palivino kay Malungon’s Jebnel Loayan sa Jr. Boys flyweight, habang umusad si Cabrillos via walk-over kontra Axel Trajano ng Labangal sa Jr. Boys light bantamweight category. Nalusutan ni Caspe si Labangal’s Nelson Mark Ciudad, 3-2, sa Jr. Boys bantamweight division.

“Masayang masaya po kami at lahat ay nanalo. Sana tuloy tuloy na ito bukas (We are very happy that we all won. I hope this continues tomorrow),” pahayag ni head coach Elmer Pamisa.

Naibigay naman sa Digos ang tagumpay nina Elmer Catesio, Rey John Paul Apale, Jester Dapidran at Almar Rigor.

Ginapi ni Catesio si Labangal’s James Errol Gahaton via split decision (4-1) sa Jr. Boy’s pinweight, habang nanalo si Apale via walk-over kay Sultan Kudarat’s Jayson Brillo sa Jr. Boys light flyweight.

Naitala naman ni Dapidran, 15anyos na kapatid ni pro fighter Jonel at pamangkin ni 8-division world champion Manny Pacquiao, ang UD win kontra Davao’s Cyril Ivan Revilla sa Jr. Boys flyweight category. Naitala rin ni Rigor ang UD kontra Aglayan’s Rodrigo Bocillo sa jr. boys light bantamweight division.

Nakuha ni Gensan’s Rhohan dela Pena ang tanging refereestopped-contest kontra Aglayan’s Ryan Garcia may 1:18 ang nalalabi sa Round 2 ng Jr. Boys flyweight category.