Benilde vs Arellano sa ‘do-or-die’

Mga Laro sa Martes (FilOil Flying V Center) 10 n.u. -- EAC vs Letran (jrs) 12:00 n.t. -- Perpetual vs Arellano (jrs.) 2:00 n.h. -- St. Benilde vs Arellano (m)

MAGTUTUOS ngayong hapon para sa karapatang makaharap ang University of Perpetual Help sa men’s volleyball best of three finals ang defending champion College of St. Benilde at second seeded Arellano University sa ikalawang stepladder semifinala match sa NCAA Season 93 volleyball tournament sa FilOil Flying V Center sa San Juan.

Nakamit ng fourth seed Blazers ang karapatang makaduwelo ang Chiefs pagkaraang gapiin ang third seed San Beda College sa loob ng limang sets sa unang stepladder match noong nakaraang Huwebes.

Tatangkain ng Blazers na makakulusot sa kanilang ikalawang sunod na knockout game upang patuloy na buhayin ang tsansang maidepensa ang titulo.

Mauuna rito, magsisimula ang dalawang Final Four matches sa juniors division kung saan kapwa hangad ng topseed at defending champion University of Perpetual Junior Altas at second seed Emilio Aguinaldo College -Immaculate Concepcion Academy na maitakda ang pagtutuos sa finals.

Parehas na may twice-to-beat advantage, kinakailangan lamang ng isang panalo ng dalawang koponan upang pumasok ng Finals, ang UPHSD kontra Arellano Braves sa ikalawang laban ganap na 12:00 ng tanghali at ang Brigadiers kontra Letran Squires sa unang laro ganap na 10:00 ng umaga.

RIO DELUVIO Nagawang ma-saved ni Michelle Cobb ng La Salle ang bola kahit halos magkandabaluktot ang katawan sa isang tagpo ng kanilang laro laban sa University of the Philippines nitong Sabado sa UAAP Season 80 women’s volleyball championship sa Filoil Flying V...