Mapayapang diskusyon, maritime cooperation idiniin sa PH-China talks

Muling idiniin ng Pilipinas at China ang kahalagahan ng pagpapanatili at pagsusulong ng kapayapaan at katatagan, freedom of navigation in and overflight sa South China Sea (West Philippine Sea), freedom of international commerce and other peaceful uses of the sea, mapayapang pagtugon sa territorial at jurisdictional disputes, nang hindi gumagamit ng puwersa o pagbabanta, sa pamamagitan ng friendly consultations at negosasyon ng sovereign states na direktang may kinalaman sa usapin, alinsunod sa pandaigdigang batas, kabilang na ang Charter ng United Nations at ng 1982 UN Convention on the Law of the Seas.

Ito ang deklarasyong inilabas ng magkabilang panig sa isinagawang Second Meeting of the Philippines-China Bilateral Consultation Mechanism (BCM) on the South China Sea na ginanap sa Manila nitong Martes.

“Both sides had a positive, fruitful and productive meeting,” saad sa pahayag ng Department of Foreign Affairs.

Si DFA Undersecretary for Policy Enrique Manalo ang namuno sa delegasyon ng Pilipinas habang si Vice Foreign Minister Kong Xuanyou ang namuno sa panig ng mga Chinese.

Sinabi ng DFA na ang ikatlong pagpupulong ng BCM ay gaganapin sa China sa second half ng 2018 sa mapagkakasunduang petsa.

Sa pagpupulong, nagkasundo ang Manila at Beijing na patuloy na mag-uusap para lalong tumibay ang tiwala sa isa’t isa at umiwas sa mga aktibidad sa South China Sea na maaaring magpakumplikado o magpalala sa iringan at makaapekto sa peace and stability.

Tinalakay din ng magkabilang panig ang pagpapalakas sa kooperasyon sa marine environmental protection, fisheries, marine scientific research, at oil and gas nang may paggalang sa kani-kanilang posisyon sa sovereignty, sovereign rights, at jurisdiction.