Spy adventure sa Manhattan

NEW YORK (AP) – Ang mga bisita sa bagong attraction na magbubukas sa New York City ay matuto ng mga elemento ng spying, kasaysyaan nito at matutuklasan kung anong klaseng spy sila.

Magbubukas ang SPYSCAPE sa Biyernes sa Manhattan. Dito masisilip ng mga bisita ang past and present ng spying, mula sa World War II code-breaking machines hanggang sa pinakasikat na mga pangalan sa espionage at kanilang mga ginawa.

Maaari ring subukan ng mga bisita ang serye ng test na susubok sa kanilang powers of observation at willingness to take risks upang makita kung anong spy role ang nababagay sa kanila.

Ang exhibition space ay nahahati sa encryption, deception, hacking, cyberwarfare, intelligence, surveillance at special ops, ang most interactive area. Doon, maaaring tumakbo ang mga tao sa laser beam maze, habang sinisikap na matamaan ang targets sa kanilang dinaraanan.