Bangkay ng buntis bugbog- sarado

TARLAC CITY - Matapos ang ilang araw na paghahanap ng mga awtoridad, natagpuan na kahapon ang bangkay ng isang 24-anyos na buntis, sa San Manuel, Tarlac City.

Sa paunang imbestigasyon ng pulisya, posibleng pinagpapalo si Quinette Enriquez, ng Barangay Amucao, Tarlac City, dahil sa tinamo nitong mga sugat sa ulo at mukha.

Inilahad ni Jeffrey Aquino, 23, ng Bgy. Cut-Cut 2nd, Tarlac City, na ipinapastol niya ang mga alagang kambing nang nadiskubre ang bangkay ng biktima, na pinaniniwalaang ilang araw nang patay.

Pebrero 4 nang iulat ang pagkawala ng ginang.