Grade 8 student nalunod
Isang estudyante sa Grade 8, na kabilang sa siyam na nag-swimming sa Small Water Impounding Project (SWIP), ang nalunod sa Barangay Calamagui West sa Santa Maria, Isabela, nitong Miyerkules ng umaga.
Kinilala ng Sta. Maria Police ang nasawi na si Jerald Ergie Taguinod, 14, estudyante ng Santa Maria National High School, at taga-Bgy. Calamagui West, Sta. Maria, Isabela.
Sa report ng pulisya, nagtungo sa lugar ang binatilyo, kasama ang walong iba pa, para mag-picnic ngunit kalaunan ay nag-dive si Taguinod at malunod.
Natukoy sa imbestigasyon na dapat na nasa klase ang binatilyo nang oras na nalunod ito.