Pagbibigay ng alak sa anak ‘di nakapipigil sa bisyo
MAAARING
matukso ang mga magulang na paminsan-minsan ay patikimin ng alak ang kanilang mga binatilyo at dalagitang anak para maturuan sila ng responsible drinking habits, ngunit natuklasan sa mga pag-aaral na maaaring kabaligtaran ang maging epekto nito.
Kumpara sa adolescents na hindi pinapayagan ng kanilang ina at ama na uminom ng beer o wine, mas malaki ang posibilidad sa teens na pinatikim ng alak ng kanilang mga magulang na uminom ng alak sa labas ng bahay, ayon sa pag-aaral.
Kapag pinagbibigyang ng kanilang mga magulang na uminom ng alak, mas doble ang posibilidad na maglasing o magpakita ng mga sintomas ng alcohol use disorder ang bata kaysa kanilang mga kaedad na hindi pinapayagang uminom nito.
“Our study shows that there is no rationale for parents to give alcohol to adolescents younger than the legal purchase age,” sabi ng lead study author na si Richard Mattick ng National Drug & Alcohol Research Centre at the University of New South Wales sa Sydney, Australia.
“To reduce the risk of alcohol-related harm, parents should avoid supplying alcohol to children,”sabi ni Mattick sa email. “Modeling responsible alcohol consumption, enforcing strict alcohol related rules and monitoring of child behavior may also minimize risks of children using or misusing alcohol.”
Para sa pag-aaral, sinuri ng mga mananaliksik ang datos na nakolekta sa loob ng mahigit anim na taon sa 1,927 magulang at kabataan na nasa edad 12 hanggang 18. Hiwalay na iniulat ng mga magulang at anak ang anumang alak na nakonsumo ng bata habang isinasagawa ang pag-aaral.
Sa simula ng pag-aaral, kapag ang teens ay 13 taong gulang, 15 porsiyento sa kanila ang binibigyan ng alak ng kanilang mga magulang. Sa pagtatapos ng pag-aaral, kapag ang teens ay nasa 18 anyos na, 57 porsiyento ay uminom ng alak na mula sa kanilang ina at ama, iniulat ng mga mananaliksik sa The Lancet Public Health.
Kalaunan, ang proportion ng teens na walang access sa alcohol ay bumaba mula 81% sa 21%.
Kapag iniulat ng teens na sa kanilang mga magulang lamag sila nakakatikim ng alak sa unang taon, nadodoble ang tsansa nila kumpara sa ibang kabataan na kumukuha ng alak sa labas sa susunod na taon.
Ipinahihiwatig nito na hindi nababawasan ng pagbibigay ng alak ng magulang sa mga anak ang posibilidad na tumikim ng alan ang mga bata kasama ang ibang tao.
Bukod dito, natuklasan din ng mga mananaliksik na hindi nakatutulong sa teenagers ang pagbibigay ng magulang ng alak para maging responsable ang mga bata.