HIV sa canned foods galing Thailand, fake news

Fake news ang mga balita na ilang de latang pagkain na nagmula sa Thailand ang kontaminado ng human immunodeficiency virus (HIV), tiniyak ng Food and Drug Administration (FDA) kahapon.

Ayon sa FDA Advisory No. 201829, ginawa ng FDA ang mga paglilinaw kaugnay sa mga kumakalat na balita sa online at text messages na kontaminado ng HIV ang mga de latang pagkain na nagmula sa Thailand.

“The Philippine Food and Drug Administration would like to inform the public to be wary of the following circulating unverified, misleading, and false information online and text messages concerning canned food products from Thailand allegedly not safe for consumption due to contamination with HIV,” saad dito.

Pinayuhan ng ahensiya ang publiko na huwag i-share ang “fake news” sa kanilang mga pamilya at kaibigan dahil maaaring magresulta lamang ito sa panic at hysteria.

“The public is hereby directed to prevent sharing of unverified, misleading and false information to avoid undue panic and hysteria,” banggit ng FDA.

Nakasaad sa text message na 200 kataong may HIV ang inatasan ng kanilang lider na lagyan ng kanilang dugo ang canned foods sa isang pabrika sa Thailand.

Ngunit ayon sa FDA, inimpormahan sila ng Thai Department of Agriculture na ang mga nasabing mensahe ay isang panloloko lamang.

“There is no credible evidences to support such accusation,” diin ng FDA.