Lalaki patay sa bundol ng van
Patay ang isang 19-anyos na lalaki makaraang mabangga ng rumaragasang van sa Maynila, nitong Huwebes ng hapon.
Binawian ng buhay sa Gat Andres Bonifacio Memorial Medical Center ( GABMMC) si Robert Madeja, ng 105 Happyland sa Tondo.
Kakasuhan ng reckless imprudence resulting to homicide at nasa kustodiya ngayon ng Manila District Traffic Enforcement Unit (MDTEU) ang suspek na si Ronald Ramos, 43, ng Templona Street, Malabon City.
Sa imbestigasyon ni PO2 Ace Gregory Catalan, ng MDTEU, dakong 5: 00 ng hapon nang mangyari ang insidente sa Radial Road 10 malapit sa Capulong Street sa Tondo.
Minamaneho ni Ramos ang van (ADK-4546), nang aksidenteng mabangga ang tumatawid na biktima.
Kaagad na dinala ang biktima sa pagamutan subalit nalagutan na ito ng hininga.