‘Pusher’ huli sa buy-bust

VICTORIA, Tarlac - Hindi nakalusot sa pulisya ang isang umano’y drug pusher nang maaresto ito sa isang anti-drugs operation sa Victoria, Tarlac, nitong Huwebes ng hapon.

Nakapiit ngayon sa Victoria Police si Anthony Mariano, 32, may asawa, ng Sitio Almendras, Barangay Capulong.

Narekober umano sa kanya ang isang transparent plastic sachet na naglalaman ng hinihinalaang ipinagbabawal na gamot.

Si Mariano ay nahaharap ngayon sa kasong paglabag sa Comprehensive Dangerous Drugs Act (RA 9165).