Bridal pantsuit ni Emily Ratajkowski, pinagkakaguluhan
BRIDE on a budget si Emily Ratajkowski!
Ginulat ng 26-year-old model ang fans nang ibunyag niya na ikinasal sila ng boyfriend niyang si Sebastian Bear
McClard nitong Biyernes, nagtungo sa New York City courthouse kasama ang ilang kaibigan matapos lamang ang ilang linggong ligawan.
Gaya ng maraming City Hall “I Do’s,” pinili ni Emily na magsuot ng unconventional wedding day ensemble na swak sa bulsa ng sino mang bride. Ang mustard yellow pantsuit ni Emily ay kasalukuyang mabibili sa Zara, na may double breasted jacket sa halagang $129 at ang matching flared trousers sa presyong $69.90.
Ang chic look ni Emily ay dinudumog na ngayon sa mga istante.
Pinaresan ng music video vixen ang stylish power suit ng strappy black heels at wide-brimmed hat at black veil. Ang kanyang jewelry ay elegant pendant na ka- match ng kanyang gold wedding band at iba pang singsing na may mababasang “EM” at “RATA.”
Sa ilang snapshots na ibinahagi niya sa kanyang Instagram Stories, ang wedding witness nina Emily at Sebastian ay pawang nagsuot ng oversized suits sa iba’t ibang monochromatic shades. Ang social media star na si The
Fat Jewish ( real
name: Josh Ostrovsky) ay gumawa ng kanyang sariling statement sa Planned Parenthood sweatsuit. Ang groom naman ay nakasuot ng powder blue suit at black T-shirt.