Pa-birthday na torneo ni Antonio
WALA ng makakapigil sa pagtulak ng Grandmaster Rogelio “Joey” Antonio Jr. 56th birthday chess tournament sa Sabado sa Alphaland Makati Place (2nd Floor) sa 7232 Ayala Avenue Corner Malugay Street, Makati City.
Unang nakatakda nitong Pebrero 16, inilipat ang torneo sa Marso 3, sa event na punong abala si Ms. Car S. Santos sa pakikipagtulungan ni Ferdinand Reyes Sr. ng United Chess Tournament Organizers Philippines.
Ang three division tournament ay bukas sa lahat ng chess players, anuman ang kasarian at edad na kung saan ang one day event ay isinagawa kaalinsabay ng 56th birthday ni Grandmaster Rogelio “Joey” Antonio Jr. na Vice Champion sa 27th World Senior Chess Championship 2017 (50+ and 65+ Open-men and women) sa Acqui Terme, Italy nitong Nobyembre.
Mismong si Philippine Executive Chess Association (PECA) founding president at National Chess Federation of the Philippines (NCFP) treasurer Atty. Cliburn Anthony A. Orbe ang panauhin sa opening ceremony.
Ayon kay National Arbiter Ferdinand Reyes Sr. ng United Chess Tournament Organizers Philippines kung saan ang cash prize P2,000 ang naghihintay sa top player sa 2000-2100 rating, habang ang next four placers ay tatanggap ng tig P1,500, P1,000, P700 at P500 .
Habang ang 6th - 10th place ay may Medals para sa kanilang effort.
Ang magkakampeon sa 1900 - 1999 rating ay may P 1,500 habang ang maghahari sa Unrated - 1899 rating ay may pabuyang P 1,000.
Ang registration fee ay P 200 para sa 2000-2100 rating below, P150 para sa 1900 - 1999 rating below at P100 para sa unrated - 1899 rating and below.