Magkaibigan kritikal sa tandem

Kapwa kritikal ang isang magkaibigan makaraang tambangan at pagbabarilin ng riding-in-tandem sa Caloocan City, nitong Lunes ng gabi.

Ginagamot pa sa ospital sina Nino Freddie Tacal, 32, ng Barangay 174, Camarin, sanhi ng tinamong tama ng bala sa dibdib; at Jose Macal, 31, ng Bgy. 175, Camarin, na nabaril sa dibdib at kaliwang siko.

Ayon sa report, dakong 7:10 ng gabi nang biglang salubungin ng dalawang hindi kilalang lalaki na sakay sa motorsiklo,ang magkaibigan na naglalakad sa Magnolia Street sa Bgy. 174.

Mabilis na tumakas ang mga suspek sa hindi batid na direksiyon.

Narekober ng awtoridad sa pinangyarihan ng insidente ang pitong basyo ng bala ng hindi pa matukoy na kalibre ng baril.

Inaalam ng pulisya kung may kinalaman sa ilegal na droga ang pananambang sa mga biktima.