Na-Soyud ang karibal sa UAAP POW

MAKARAAN ang ipinakitang impresibong laro kontra sa kanyang dating koponang De La Salle, nahirang si Eli Soyud ng Adamson University bilang UAAP Press Corps Player of the Week.

Nagtala ang opposite spiker ng game-high 18 puntos, galing ng 13 kills, 3 blocks at 2 service aces, sa ipinoste ng Lady Falcons’ nayfour- set win kontra Lady Spikers, 25-18, 15-25, 25-19, 25-22, noong Sabado. .

Dahil sa kanyang performance, tinulungan ni Soyud ang Adamson na makamit ang unang panalo kontra La Salle mula noong second round ng Season 70.

“Bumalik ‘ yung trust ko sa sarili ko siyempre ‘yung trust ng coaches sa akin parang naging buo ulit kasi nga mas nakakatulong ako hindi na parang dadalhin pa ako,”ani Souud.

Labis naman ang kasiyahan ni Lady Falcons coach Air Padda sa ipinakita ni Soyud.

“She had a rough start and now a lot of people want to underestimate her but then I never underestimated her. I know what Eli is capable of, she’s capable of a lot and man I’m so proud of her,” sambit ni Padda.

Tinalo ni Soyud, dating naglaro sa La Salle noong Seasons 77 at 78, para sa lingguhang citation sina National University stalwart Jaja Santiago, Ateneo skipper Maddie Madayag, Far Eastern University top hitter Bernadeth Pons at La Salle defense specialist Dawn Macandili.