Nominasyon sa 2018 Outstanding Filipino Teachers pinalawig
Pinalawig ng Department of Education (DepEd) ang nominasyon para sa 2018 Outstanding Filipino Teachers ng dalawang linggo pa.
Orihinal na itinakda ang deadline sa pagsusumite ng nomination forms bago o eksaktong Marso 1, 2018. Gayunman, inanunsiyo ng DepEd – katuwang ang Metrobank Foundation, Inc. (MBFI) – ang pagpapalawig sa mga nominasyon para sa 2018 Metrobank Foundation Outstanding Filipinos – Award for Teachers hanggang sa Marso 14.
Sinabi ng DepEd, sa isang pahayag, na ang Search ay “open to all Filipino educators teaching in the elementary level, including kindergarten level, provided it is part of the integrated curriculum or part of an elementary school system; and secondary or tertiary level, including graduate school and alternative learning system, with fulltime or permanent appointment and with full teaching load.”
Sa kabuuan, apat na guro ang makakasama ng tatlong sundalo at tatlong pulis para bumuo sa Metrobank Foundation Outstanding Filipinos ngayong taon. “Each awardee will receive P1 million cash incentive, a trophy, and a gold medallion,” sinab ng DepEd. Igagawad ang parangal sa 56th anniversary ng Metrobank sa Setyembre.
“The Award aims to recognize outstanding Filipinos who are responsible citizens, exemplary public servants, and agents of positive change in their respective communities,” sinabi ng DepEd.
Para sa nomination form at detailed guidelines, maaaring silipin ng interesadong partido ang DepEd Memorandum No. 3, series of 2018, o ang 2018 Metrobank Foundation Outstanding Filipinos – Award for Teachers na available online sa www.deped.gov.ph. Makikita rin ang karagdagang mga detalye sa official website ng Metrobank Foundation sa www. mbfoundation.org.ph at sa official Facebook page ng Awards sa www.facebook.com/ mbfi.outstandingfilipinos.