PH-China joint sea exploration matutuloy na
Posibleng matuloy na ang mga paguusap ng Filipino at Chinese firms para sa joint exploration sa pinagtatalunang South China Sea.
Ito ang inihayag ni Presidential Spokesperson Harry Roque kahapon ng umaga, isang araw matapos tanggapin ni Pangulong Duterte ang panukalang joint exploration ng China. Gayunman, hindi niya pinangalanan ang mga sangkot na kumpanya.
“There are talks ongoing. I know they are discussing. They are moving forward and it’s likely to happen,” sinabi ni Roque sa panayam ng ANC, idinagdag na ang mga ganitong kasunduan sa pagitan ng mga pribadong kumpanya ay pinahihintulutan sa ilalim ng batas ng Pilipinas.
“This will now actually entail joint exploration and possible exploitation of natural resources,” dugtong niya.
Ngunit sa kabila nito, nilinaw ni Roque na hindi kikilalanin ng Pilipinas ang sovereign rights o sovereignty ng China sa mga pinagtatalunang lugar, o oobligahin ang bansa na kilalanin ito.
“Definitely not. The President just wanted to explain that joint exploration and exploitation will be undertaken by both Philippine and Chinese nationals,” ani Roque sa press briefing sa Palasyo kahapon.
“Ownership is not material here because really the areas that may be subjected to joint development is EEZ – Exclusive Economic Zone where we only exercise sovereign rights,” dugtong niya.
Sinabi ni Roque na “practical solution” din para sa mga Pilipino ang pagsasagawa ng joint exploration sa China para mapakinabangan ang natural resources nang hindi na kailangang harapin ang magkakasalungat na pagaangkin sa mga teritoryo.
Ayon pa kay Roque, hindi na kailangang pagbotohan ng Kongreso ang posibleng joint exploration sa pagitan ng dalawang Filipino at Chinese corporations ngunit kailangan silang impormahan tungkol dito.
“If they have suggestions, they should be heard. But they no veto power because ultimately, that is an executive function,” ani Roque.
Sinabi din ni Roque na maaaring ma-impeach si Duterte kung kalaunan ay mapatunayang pumasok siya sa kuwestiyonableng kasunduan.