13 huli sa droga

BATANGAS CITY - Nasa 13 katao ang inaresto ng pulisya sa magkahiwalay na lugar sa Barangay Bolbok, Batangas City, Batangas, kahapon ng madaling-araw.

Sinabi ni Supt. Wildemar Tiu, hepe ng pulisya, na unang naaresto ang 10 sa mga ito kahapon, dakong 1:00 ng madaling-araw.

Kabilang sa mga naaresto sina Arnold Hernandez, Noel Dimaculangan, Gerardo Hernandez , Flordeliza Hosmillo, Rino Untiveros, Joseph Limbuangco, Rodel Ocampo, Joey Cruzat, Harijone Aya, at Christian Zaraspe, drug surrenderer.

Nakumpiska umano ng mga operatiba ng City Drug Enforcement Unit (CDU) ang pitong sachet ng pinaghihinalaang shabu, cash at drug paraphernalia.

Dakong 11:30 ng gabi nitong Biyernes nang maaresto rin sa buy-bust sina Etelbert Espino, 34; Edwin Preagola, 33; at Jerwin Guilles, 23, at nasamsaman umano ng apat na sachet ng shabu.

Inihahanda na ng pulisya ang kasong paglabag sa Republic Act 9165 (Comprehensive Dangerous Drugs Act) laban sa 13.