Driver tiklo sa pot session

STA. ROSA, Nueva Ecija - Nasorpresa ang isang 21- anyos na tricycle driver nang maaktuhan umano siya ng pulisya habang bumabatak sa public cemetery ng Sta. Rosa, Nueva Ecija.

Pinangunahan ni Chief Insp. Herbert Ocumen, hepe ng Sta. Rosa Police, ang pagdakip kay John Philip Marasigan, 21, nitong Lunes.

Narekober umano ng pulisya mula sa suspek ang isang plastic sachet ng hinihinalang shabu at drug paraphernalia.

Sinampahan na ang suspek ng paglabag sa Comprehensive Dangerous Drug Act of 2002.