Imperial, nanguna sa NCFP tourney
LAHAT ay nakatutok kay Genghis Katipunan Imperial sa pagrenda n’ya sa koponan ng Iglesia ni Cristo (INC) Chess Team sa pagpapatuloy ng Philippine Blitz Face Off Series sa Marso 17 na maisasahimpapawid ng live sa Youtube Channel ng National Chess Federation of the Philippines.
Makakasama ni Imperial sa Iglesia ni Cristo Chess Team ay sina Narquingel Reyes, Ravel Canlas at Alexis Emil Maribao.
“Maraming Salamat po kay Atty. Cliburn Anthony A. Orbe at sa NCFP officials sa pagbibigay pagkakataon na makalaro sa kauna-unahang via live Youtube Chess sa NCFP channel,” sabi ni Imperial, bahagi ng coaching staff ng INC Philippine Team na overall champion sa International Unity Games noong 2015.
Ayon kay tournament director Philippine Executive Chess Association (PECA) President Atty. Cliburn Anthony A. Orbe makakalaban ng Iglesia ni Cristo Chess Team ang Knights of Colombus Chess Team na binubuo nina Walt Talan, Tyrone delos Santos, John Michael Magpily, Makoy Mabasa kung saan ang team manager ay si Christopher “Kuya Chris” de Guzman.
Ipinaalam naman ni Atty. Orbe, na siya ding treasurer ng National Chess Federation of the Philippines (NCFP) sa magiting na pamumuno nina Chairman at President Surigao del Sur Rep. Prospero “Butch” Pichay Jr. at 7th District Cavite Rep. SecretaryGeneral Abraham “Bambol” Tolentino Jr., na handa na ang lahat sa pagsambulat ng tinampukang “Rage of Angels” ngayong Linggo na maisasahimpapawid ng live sa Youtube Channel ng National Chess Federation of the Philippines sa ganap na alas-diyes ng umaga.