Atom Araulo, tumulong din sa pagsusulat ng ‘Citizen Jake’
MARAMI agad ang nag-post sa Facebook sa mga naunang nakapanood ng pelikulang Citizen Jake kaya mabilis na kumalat sa social media na maganda at powerful movie ang bagong obra ni Mike de Leon na first movie project naman ng broadcaster na si Atom Araullo. Nagkaroon ng invitational premiere ang Citizen Jake last Saturday sa UP Film Center. Dinaluhan ito ni Direk Mike at ng cast ng movie na binubuo nina Atom, Gabby Eigenmann, Luis Alandy, Richard Quan, Max Collins, Ruby Ruiz, Cherie Gil, Teroy Guzman, Anna Luna, at Nonie Buencamino.
Maraming revelations sa pelikula na ikinagulat ng mga manonood at request nilang sana raw ay panoorin din ito ng mas maraming moviegoers kapag ipinalabas na sa mga sinehan.
Nagkakaroon na ito ng first public screening nitong Martes, Marso 13, sa UP Film Center din. Hinihintay na lang ni Direk Mike at ng cast ng approval kung kailan sila magkakaroon ng public screening sa commercial theaters.
Pasado ang acting ni Atom sa kanyang first movie na isa rin siya sa scriptwriters.
Congratulations din kay Atom dahil ang first documentary na ginawa niya sa GMA 7 na Philippine Seas ay nakatanggap agad ng award mula sa GEMS (Guild of Educators, Mentors and Students). Ang second documentary niyang Silang Mga Kinalimutan sa I-Witness ay finalist naman sa Asian TV Awards.
May bago ring programa si Atom sa GMA-7 na dapat abangan, ang The Atom Araullo Specials na pinaghahandaan na niya at malapit nang umere.