Aliwan Fiesta sa Abril
ANG summer ay hindi lang ang pinakamagandang panahon para takasan ang init sa siyudad at magliwaliw sa iba’t ibang isla ng bansa. Panahon din ito para tikman at namnamin ng mga lokal at dayuhang turista ang mga specialty product at putaheng Pinoy sa mas mababang presyo na mas mababa kaysa karaniwang presyo sa lungsod.
Gaganapin ang Aliwan Fiesta, isang grand cultural extravaganza na binubuo ng Manila Broadcasting Company katuwang ang Cultural Center of the Philippines, para ihandog ang iba’t ibang pangunahing festival sa iisang venue, ang perpektong pagkakataon upang para sa regional trade sa loob ng tatlong araw sa CCP Complex.
Hinihikayat ang mga negosyanteng may kakaibang mga produkto mula sa iba’t ibang bahagi ng bansa, na ibenta ang kanilang mga likha sa mga booth sa event. Gaganapin ito sa Abril 26-28 sa Sotto Street sa tapat ng Aliw Theater. Para sa mga katanungan, tumawag lamang kay Teray Rivas ng MBC sa mga numerong 832- 3249 o 0917-865-8699.
Sa Aliwan Fiesta ay nagiging art form at kultural ang pamimili ng de-kalidad na mga pasalubong na nilikha ng pinakamagagaling na craftsmen ng bansa. Matatagpuan dito ang mga boutique na likas na kilala sa island RTW, sapatos, alahas at mga accessory, gayundin ang handicraft shops, tindahan o restaurant na nagbebenta ng gourmet delicacies. Maging ang fruit at flower farms at iba’t ibang probinsiya ay iniimbitahan upang makiisa upang maipakilala ang kani-kanilang ipinagmamalaking mga produkto.
Inaanyayahan din ang weaving cooperatives, tribal showrooms, freetrade organization at iba pang market ng NGO.
Sa ika-16 taon, napatunayan na ng Aliwan Fiesta Shoppers Bazaar na ang mga pinakamagagandang produkto ay hindi lamang mabibili sa malls, kundi pati na rin sa tradisyunal na tiangge. Mas makakatipid ang shop-a-holics na nagpaplanong mamili sa iba’t ibang isla sa Pilipinas kung dito na lamang pupunta. Makakabili ang publiko sa Aliwan Fiesta ng terra- cotta, hikaw, mother-of-pearl, t’nalak, embroidered pina, ube jam, abel iloko, strawberries, budbod-kabod, marang, rattan baskets, espasol, Ifugao blankets, longganisa, coco-shell lamps, empanada, bamboo instruments, danggit, wooden furniture, suka at bagoong, tribal beads, nito bracelets, malong o inaul, at marami pang iba.