Online registration sa World Slasher Cup 2

MULING masasaksihan ng cockfighting enthusiasts ang world-class action sa rueda sa paglarga ng 2018 World Slasher Cup 2 sa Mayo 6-12 sa Smart Araneta Coliseum.

Inaasahang dadagsa ang mga lahok sa

pinakahihintay na torneo na itinuturing “Olympics in cockfighting’ kung kaya’y inilunsad ng organizing WSC Derby Office ang online registration sa opisyal website ng torneo sa www.worldslashercup.ph

Sa mga interesadong makibahagi sa kasaysayan, maaaring bumisita sa naturang website at puntahan ang REGISTER ENTRY button para mairehistro ang kailangang impormasyon at dokumento. Matapos ang online registration, makatatanggap ng kumpirmasyon mula sa WSC Derby Office. Maaari na ring makipagusap para sa reservation ng cockhouse at iba pang kailangang bayaran.

Bunsod ng kalidad ng mga laban, inaasahan ang muling pagdagsa ng mga lahok mula sa mga top breeders ng US, Kuwait, Indonesia, Malaysia, Taiwan, at Philippines.

Sa nakalipas na Slashers Cup, nakopo ni Rep. Patrick Antonio ang kampeonato at ikapito sa kabuuan sa makasaysayang pagsabak sa WSC.

Ang World Slasher Cup 2 ay ilalarga sa 2-cock Eliminations sa Mayo 6-7; 3-cock Semis sa Mayo 8-9 at 4-cock Pre-Finals at 4-cock Finals sa Mayo 11-12. May isang araw na pahinga sa Mayo 10.

Bukod sa online registration, ang mga kalahok ay puwede ring magpatala sa WSC Derby Office sa tel. blg. 588-8227at 911-2928. Sa mga nagnanais na manood ng live action, tumawag lamang sa Tiketnet sa 911-5555 o sa Big Dome ticket office.