ABS-CBN, Platinum awardee sa 3rd Reader’s Digest Trusted Brand Awards
NAGWAGI
ang ABS-CBN ng Platinum Awardee sa ikatlong pagkakataon sa 2018 Reader’s Digest’s Trusted Brand Awards.
Bago mag-uwi ng tatlong sunud-sunod na Platinum award ang ABS-CBN, limang taon itong nanalo ng Gold Trusted Brand Award mula 2010 hanggang 2015.
Ang Reader’s Digest Platinum Brand Awards ay iginagawad sa mga kompanyang malawak ang agwat ng boto sa pinakamalapit na kakumpitensya.
Mahigit sa 4,000 katao ang lumahok sa Trusted Brands Survey at sila’y nagbigay ng rating sa bawat kompanya batay sa kanilang kredibilidad, kalidad, halaga, pagkakaintindi sa pangangailangan ng mga customer, inobasyon, at social responsibility.
Simula noong 1998, nilalalayon ng Reader’s Digest Trusted Brands Award na matuklasan ang pamantayan ng karamihan sa pagpili ng serbisyo ng iba’t ibang kompanya.
Para sa 2018 na awards, kinomisyon ng Reader’s Digest ang global market research company na Catalyst Research upang suriin ang higit sa 8,000 na indibidwal sa Asia Pacific, kasama ang mga bansang Pilipinas, Singapore, Malaysia, Hong Kong, at Taiwan. Limpampu’t apat na kategorya ng produkto at serbisyo sa iba’t ibang industriya, kasama na rin ang mga pinakapinagkakatiwalaang personalidad sa Pilipinas ang sinuri ngayong taon.