Customs official, 2 pa, timbog sa R3- M alahas

Arestado ang tatlong suspek, kabilang ang isang Customs official, matapos umanong magsabuwatan na makapagpuslit ng halos dalawang kilo ng alahas, na nagkakahalaga ng P3 milyon, sa bansa sa pamamagitan ng Ninoy Aquino International Airport (NAIA) Terminal 3.

Kinilala ni Customs Commissioner Isidro Lapeña ang mga suspek na sina NAIA Customs Operations Officer V Lomontod Macabando, nakatalaga sa arrivalareangNAIATerminal3;Abraham Mimbalawag; at Bang-sa Mimbalawag.

Ayon sa Customs agents, dumating sina Abraham at Bang-sa sa Terminal 3, Port of NAIA sakay sa Cebu Pacific Air Flight No. 5J015 mula sa Dubai noong Mayo 5, 2018.

Ayon kay Lapena, noong araw na iyon ay napansin ng on-duty customs examiner ang pag-abot ng isang pasahero ng itim na clutch bag kay Macabando, na kalaunan ay nagmadaling lumabas mula sa Customs Arrival Area, Terminal 3.

Gayunman, tinangkang pigilan ng customs personnel si Macabando ngunit nabigo, kaya nagpasaklolo na lamang sa security personnel.

“Macabando was finally accosted and was eventually convinced to go back in the Customs Arrival Area and return the subject clutch bag to the owner thereof,” sabi ni Lapeña.

Kalaunan ay inamin nina Abraham at Bangsa-an na pag-aari nila ang bag.

Sa inspeksiyon, naglalaman ang bag ng 24 piraso ng singsing, 1,029 pares ng hikaw, 155 piraso ng pendants, limang set ng hikaw, 19 na piraso ng bangles, 295 piraso ng chains, at 101 piraso ng porselas.

Ayon sa Customs agents sa NAIA, bigo ang mga suspek na ideklara ang pagpapadala ng alahas at magkaloob ng commercial documents o invoice.

Nag-isyu si NAIA District Collector Carmelita Talusan ng Warrant of Seizure and Detention (WSD) laban sa smuggled jewelry noong Mayo 7, kaugnay ng Section 1113 (Property Subject to Seizure and Forfeiture) ng Customs Modernization and Tariff Act.

Isinailalim sa inquest proceedings sina Abraham, Bang-sa, at Macabando sa Pasay City Prosecutor’s Office noong Mayo 6, ngunit pinalaya matapos ikulong sa airport detention facility.

Itinakda ang preliminary investigation sa Mayo 15 at 22, 2018.

Bukod diyan, kinasuhan din ang mgasuspekngpaglabagsaSections1401 (Unlawful Importation or Exportation); 1402 (Failure or Refusal of Party to Give Evidence or Submit Documents for Assessment); at 1404 (Failure to Declare Baggage) in relation to Section 1113 (Property Subject to Seizure and Forfeiture) ng CMTA; at Grave Coercion sa ilalim ng Article 286 ng Revised Penal Code.