Rice Terraces, aayusin, tataniman
BANAUE, Ifugao - Target ngayon ng Terraces Restoration Initiative United Movement for the Preservation of the Heritage (TRIUMPH) na ma-rehabilitate ang 540-ektrayang Banaue Rice Terraces sa tulong ng mga donasyon mula sa iba’t ibang organisasyon, para sa pagpapanatili ng ganda ng UNESCO Heritage site.
Ayon kay Banaue Mayor Jerry Dalipog, ang TRIUMPH ang nangangasiwa sa tinatawag na “chawa” program, na binubuo ng 40miyembrong grupo mula sa local government unit at mga magsasaka, na mangunguna sa paglilinis, pagsasaayos ng stone-walled terraces, at pagtatanim sa mga abandonadong palayan.
Aniya,angchawa,nasinimulankamakailan bilang programa at pagkakasunduan sa pagitan ng lokal na pamahalaan at ng may-ari ng mga abandonadong palayan, na mayroon silang 5050 percent sharing sa maaaning palay.
“Sa kabuuang 1,607 hectares ng Banaue Rice Terraces ay 540 hectares ang inabandona noong 2015, na karamihan ay nasira ng mga nagdaang bagyo at walang panggastos ang may-ari para sa stone rip-rap,” ani Dalipog. “Target naming maisaayos at makumpleto ito sa loob ng dalawang taon.”
Ayon kay Dalipog, sa ngayon ay naisagawa na nila ang rehabilitasyon sa 20 ektarya, at walong ektarya rito ay nataniman na ng palay at inaasahang maaani na sa Hulyo.
Aniya, naisagawa ang programa sa tulong ni Milagros Ong-how, ng Universal Harvest Inc. (UHI), na nangako ng P3 milyon para sa restoration ng rice terraces sa Barangay Viewpoint.
Bukod dito, mayroong P200 milyon sa General Appropriations Act of 2018 na inilaan sa rehabilitasyon ng hagdan-hagdang palayan.
Naglaan din ang Tourism Infrastructure and Enterprise Zone Authority (TIEZA) ng P60 milyon para naman sa rehabilitasyon ng stone-walled rice terraces sa mga barangay ng Batad at Bangaan; P109 milyon ang laan ng Department of Public Works and Highways sa stonewalling sa iba pang mga barangay, samantalang P14.4 milyon naman ang laan ng Department of Agriculture sa pagsasaayos ng trails.
Matatandaang nag-trending kamakailan ang Rice Terraces nang bumida ito sa huling bahagi ng patok na pelikulang “Avengers: Infinity War”.