Kim-Trump summit nasa alanganin
SEOUL (AFP) – Inilagay ng North Korea sa alanganin ang inaabangan at unang summit sa pagitan ng lider nitong si Kim Jong Un at ni US President Donald Trump na itinakda sa susunod na buwan.
Kinansela rin ng Pyongyang ang high-level talks kasama ang Seoul na gaganapin sana kahapon dahil sa Max Thunder joint military exercises ng United States at South Korea, at kinondena ang drills na ‘’rude and wicked provocation’’.
‘’There is a limit in showing goodwill and offering opportunity,’’ sinabi ng North’s official news agency KCNA.
Ang drills ng air force ng dalawang magkaalyado ay rehearsal para sa invasion at ‘’deliberate military provocation’’ sa panahong bumubuti na ang inter-Korean relations, ayon dito.
‘’The US will have to think twice about the fate of the DPRK-US summit,’’ sinabi ni KCNA, gamit ang official acronym ng North.
Sinabi naman ng Washington na tuloy ang mga paghahanda nito para sa pagpupulong sa Singapore sa Hunyo 12.
‘’We will continue to plan the meeting,’’ sinabi ni State Department spokeswoman Heather Nauert sa reporters, idinagdag na walang natanggap na “notification” ang Washington sa pagbabago ng posisyonang North Korea.
Sa isang pahayag, sinabi ng Seoul unification ministry, may hawak sa relasyon sa North, na natanggap nila ang mensahe ‘’in the name of chief delegate Ri Son Gwon that they were postponing the high-level talks indefinitely’’.
‘’Accordingly, today’s high level talks won’t take place and the government will react following consultations among relevant agencies,’’ dagdag nito. Ang taunang Max Thunder air exercises ay tumatakbo mula Mayo 14 hanggang 25.