Dutch researchers, nakatuklas ng dirty jokes sa diary ni Anne Frank
NAKATUKLAS
ang mga mananaliksik na gumamit ng digital technology ng kahulugan sa nakasulat sa dalawang pahina ng diary ni Anne Frank, na kanyang tinakpan ng brown masking paper, at ito pala ay naglalaman ng naughty jokes at totoong eksplanasyon ng sex, contraception at prostitusyon.
“Anyone who reads the passages that have now been discovered will be unable to suppress a smile,” lahad ni Frank van Vree, direktor ng Netherlands Institute for War, Holocaust and Genocide Studies. “The ‘dirty’ jokes are classics among growing children. They make it clear that Anne, with all her gifts, was above all also an ordinary girl.”
Sinulat ni Anne, na 13 taong gulang nang panahong iyon, ang dalawang pahina sa kanyang diary noong Setyembre 28, 1942, tatlong buwan bago siya nagtago, kasama ang kanyang pamilya, mula sa Nazis, sa secret annex sa likod ng canal-side house sa Amsterdam.
Kalaunan, dahil sa takot na may makabasa ng kanyang mga isinulat, tinakpan niya ito ng brown paper gamit ang adhesive backing na tila postage stamp, at ang nakasulat dito ay nanatiling misteryoso sa loob ng ilang dekada.
Lumabas na nakasaad sa mga pahinang ito ang apat na biro tungkol sa sex, na inilarawan ni Anne na “dirty” at nakasulat din dito ang paliwanag ng sexual development ng kababaihan, sex, contraception at prostitusyon.
“They bring us even closer to the girl and the writer Anne Frank,” sabi ni Ronald Leopold, executive director ng Anne Frank House museum, nitong Martes.
Sinabi ng mga eksperto na ang mga bagong nadiskubre sa multimillion-selling diary ni Frank, kapag napag-alaman kasama ang iba pang nilalaman ng kanyang journal, ay magbubunyag ng kanyang development bilang writer kaysa sa kanyang interes sa sex.
Sinulat ni Anne sa ibang bahagi ng kanyang diary ang tungkol sa kanyang pagnanasa at kuryosidad sa kanyang seksuwalidad, kanyang katawan at kanyang regla o buwanang dalaw. Ang mga kontekstong ito ay itinago ng kanyang ama bago pa man mailathala, sa unang pagkakataon, ang kanyang diary noong 1947, ngunit lumabas na din sa mas bagong unabridged editions.
Sinabi ni Leopold na ang bagong nadiskubreng material, ay halimbawa kung paano si Anne “creates a fictional situation that makes it easier for her to address the sensitive topics that she writes about.” Sa kanyang diary, halimbawa, nagsulat siya ng entries sa kanyang fictional friend na nagngangalang Kitty.
Ipinahayag naman ng mga institusyon na may kinalaman sa nadiskubre, na dahil sa copyright issues, hindi malinaw kung isasama sa bagong edisyon ng diary ang mga nasabing pahina.
Ang salin ay isinagawa ng mga mananaliksik mula sa Anne Frank museum, ng Institute for War, Holocaust and Genocide Studies at ng Huygens Institute of Netherlands History.
Kinuhanan nila ng litrato ang mga pahina, na ginamitan ng flash, saka gumamit ng image- processing software upang maintidihan ang mga salita, na mahirap nang basahin dahil nagdikit-dikit na ang tintang nakasulat sa magkabilang pahina.
Sa passage tungkol sa sex, inilarawan ni Anne kung paano nagkakaroon ng period ang mga batang kababaihan sa edad na 14, at aniya, ito ay “a sign that she is ripe to have relations with a man but one doesn’t do that of course before one is married.”
Tungkol naman sa prostitusyon, aniya: “All men, if they are normal, go with women, women like that accost them on the street and then they go together. In Paris they have big houses for that. Papa has been there.”
Ang isa sa kanyang mga biro: “Do you know why the German Wehrmacht girls are in Holland? As mattresses for the soldiers.”
Kalakip din sa bagong nadiskubre ang biro niyang ito: “A man had a very ugly wife and he didn’t want to have relations with her. One evening he came home and then he saw his friend in bed with his wife, then the man said: ‘He gets to and I have to!!!’”
Nagsimulang magsulat sa kanyang diary si Anne habang nagtatago, kasama ang kanyang pamilya, sa loob ng mahigit dalawang taon, noong kasagsagan ng World War II. Nagtago ang pamilya noong Hulyo 1942 at nanatili roon, habang binibigyan ng pagkain at iba pang gamit ng grupo ng mga katulong, hanggang Agosto 4, 1944, nang sila ay mahuli at ipadala sa Auschwitz.
Tanging ang tatay ni Anne na si Otto Frank ang nakaligtas sa giyera. Binawian ng buhay si Anne at kanyang kapatid na babae sa Bergen-Belsen camp. Siya ay 15 taong gulang noon.
Pagkatapos ng giyera, inilathala ni Otto Frank ang diary ng kanyang anak, at simula noon ay naging simbolo ng pag-asa at katatagan, at isinalin sa iba’t ibang wika.
Ang bahay na pinagtaguan ng Franks ay ginawang museum na isa sa pinakapopular na tourist attraction sa Amsterdam.