Sino-Filipino Golf Day sa Wack Wack
GAGANAPIN ang Sino-Filipino Friendship Day Golf Tournament sa Mayo 28 sa Wack Wack Golf and Country Club sa Mandaluyong City bilang bahagi ng suporta sa development ng junior golfers sa bansa na siyang isinusulong ng Philippine Sports Institute (PSI).
Ang isang araw na event ay sanctioned ng World Amateur Golfers Championship. Magsisimula ang laro ganap na 6:00 ng umaga. Kabilang sa mga panauhin ang mga opisyal at miyembro ng Filipino Chinese Amateur Athletic Federation (FCAAF).
Itinataguyod ang torneo ng FCAAF, sa pangangasiwa ng Pangulo nilang si William Gosiaco at ng Federation of Filipino Chinese Chamber of Commerce and Industry Inc., sa pamumuno ni President Domingo H. Yap. Layunin ng torneo na makalikom ng pondo para magamit sa programa ng Jungolf League at PSI, sa pangangasiwa ng Philippine Sports Commission.
Inanyayahan bilang guest speaker at magsasagawa ng ceremonial drives si Sen. JV Ejercito, Pangulo ng WWGCC, gayundin sina Cong. Jericho Nograles ng PBA party- list, FCAAF secretary- general Jose Sy, Yap and Gosiaco.
Naisakatuparan ang torneo sa pamamagitan nina Jungolf League President Chona dela Paz, Jungolf Federation of the Philippines corporate secretary Tiffany Copok, FCAAF director and golf chairman Francis Dy at tournament coordinator Oliver Gan, sa pakikipagtulungan ng Philippine Airlines Lines, Tanduay, Asia Brewery at Great Volume PH.
“I want to see the kids, the jungolfers, that’s what I’m looking for, who has the potential to be developed,” sambit ni Gan, dating jungolfer at na-appoint na NCR program officer ng PSI.
“With the help of the Filipino-Chinese businessmen, we can do it. It’s really a big thank you to the federation, without them this won’t be possible,” pahayag ni Gan.