R65- M para sa mga school building sa Benguet
MAGLALAANang pamahalaang panlalawigan ng Benguet ng dagdag na P14.1 milyon sa nauna nang P50.9 milyon para sa pagpapatayo ng mga gusaling paaralan sa probinsiya.
Sa isang panayam nitong Martes, sinabi ni Benguet Governor Crescencio Pacalso ang guguling pondo ay manggagaling sa Special Educational Fund ( SEF), na pinamamahalaan ng Provincial School Board na kanyang pinamumunuan.
Ang nasabing salapi ang partikular na nakalaan sa kumpletong pagpapatayo ng gymnasium ng Pontino Elementary School sa Barangay Ambassador sa bayan ng Tublay; sa pagsasaayos ng Day Care Center sa Pongayan, Kapangan; pagpapatayo ng Sagondoy Elementary School sa Posel, Amgaleyguey, Buguias; restorasyon ng gusali ng Alternative Learning School ( ALS); at pagsasaayos ng school clinic sa Barangay Puguis sa bayan ng La Trinidad.
Ang paunang pondo naman ay inilaan sa pagpapatayo ng dalawang palapag na gusali sa Barangay Cattubo, bayan ng Atok; ng multi- purpose na gusali sa Madaymen National High School sa bayan ng Kibungan; pagpapatayo ng bakod sa Bulo Elementary School sa Poblacion, Bokod; pagpapatayo ng administrative building ng Bokod National High School sa Pito, Bokod; at ang pagpapatayo at pagsasaayos ng mga silid- aralan ng Palina Elementary School sa Kibungan.
Noong Disyembre 27, 2017, inilaan ng provincial school board ang kabuuang P50.99 milyon para sa mga proyekto na prayoridad sa ilalim ng SEF para sa taong 2018.
Nilikha ang SEF sa ilalim ng republic Act. No. 5447, na mula sa bahagi ng mga buwis ng mga real property taxes na ibinabayad sa LGU.