Bebot inambush sa trabaho
Patay ang isang babae makaraang tambangan ng riding-in-tandem sa Rodriguez, Rizal kamakalawa.
Sa ulat na ipinarating kay Chief Supt. Guilermo Eleazar, director ng Police Regional Office (PRO) 4A, kinilala ang biktima na si Marilou Villarin, nasa hustong gulang, floor manager sa isang resto bar sa Barangay Manggahan sa Rodriguez.
Sa imbestigasyon ng Rodriguez Municipal Police Station (RMPS), naganap ang pamamaril sa tapat ng bar na pinagtatrabahuhan ng biktima, dakong 11:55 ng gabi.
Matapos matiyak na napuruhan ang biktima, agad humarurot ang mga suspek sa hindi batid na direksiyon.
Nagsasagawa na ng follow up operation ang awtoridad.