Pocari at Creamline, angat sa PVL Volley tilt
TINULDUKAN ng Pocari Sweat- Air Force ang threegame winning run ng Balipure sa impresibong 25- 19, 10- 25, 25- 17, 25- 21 panalo nitong Linggo sa Premier Volleyball League ( PVL) Reinforced Conference nitong Linggo sa Batangas City Sports Coliseum.
Nanguna si Lady Bulldogs at dating National University star Myla Pablo sa Lady Warriors sa game- high21 puntos, 14 attacks, apat na blocks at tatlong service aces.
Kumana sin a American imports Arielle Love at Madeline Palmer ng 18 at 13 puntos, ayon sa pagkakasunod para sa Pocari Sweat- Air Force na tumabla sa kanilang karibal, 3- 2.
“Nakatsamba lang kami, siguro nagsabay- sabay na magkaroon ng teamwork,” sambit ni Pocari Sweat- Air Force coach Jasper Jimenez. “’Yung first set namin maganda ang nilaro, ang pangalawa siguro na- overconfident lang. Buti nakabalik kaagad kami.”
Tumipa si American imports Janisa Johnson at Alexis Matthews sa naiskor na 15 at 14 puntos, ayon sa pagkakasunod, habang nagambag si Alyssa Solomon ng 13 puntos..
Samantala, sinalanta ng Creamline ang Tacloban, 25-14, 27- 25, 26- 24, para masungkit ang solo top spot.
Hataw si Alyssa Valdez sa naiskor na 22 puntos, habang kumana si Thai import Kuttika Kaewpin ng 6 puntos para sa Cool Smashers ( 4- 1). Bagsak ang Tacloban sa 2- 3.
Humirit sa Fighting Waray si Thai reinforcement Hyapha Amporn na may 15 puntos, habang si team captain Jovielyn Prado ay may 11 puntos.